Lulzim Basha uron besimtarët katolikë: Lutje të veçantë për ata që po përballen me Covid-19

10:09 | 12 Prill 2020
Arbresh.info

Kryetari i PD Lulzim Basha ka uruar besimtarët katolikë me anë të një statusi të publikuar në rrjetet sociale.

Urimi i Bashës në këtë ditë të shenjtë shkon për të gjithë ata persona që po përballen me Covid-19.

Urimi i kryetarit Basha për Pashkët:

Të dashur motra dhe vëllezër që kremtoni këtë ditë të shenjtë të Pashkës dhe Ringjalljes së Jezu Krishtit, unë dhe familja ime ju urojmë nga zemra, për shumë vjet Pashkët! Një urim dhe lutje të veçantë kam sot për ata që po përballen me sëmundjen, për personelin shëndetësor, për punonjësit e policisë, të forcave të armatosura, për klerikët dhe shërbëtorët e Zotit, për prindërit dhe vogëlushët në familjet në nevojë, për të moshuarit, për të sëmurët e më të pamundurit. Në këto kohë të vështira, drita e shpresës dhe kurajos ndeztë në zemrat dhe mendjet e çdo familje shqiptare besimin se ditë më të mira na presin. Zoti ju bekoftë ju dhe familjet tuaja, Zoti e bekoftë Shqipërinë dhe shqiptarët kudo ku janë!

Shpërndaje në rrjete sociale

Lajmet më të lexuara

Të ngjashme

Foto lajm